Nta muntu ukwiye kugira ubwoba bwo gutanga ikirego igihe amenye umwana wahohotewe
Muri gahunda y'icyumweru cyahariwe kwimakaza ihame ry'uburinganire mu Karere ka Gatsibo mu ntara y’Iburasirazuba, cyatangiye ku wa 19/09/2022 gisozwa ku wa 25/09/2022, Umunyamabanga wa Leta ushinzwe ibyerekeye Itegeko Nshinga n’andi mategeko, Amb. Nyirahabimana Soline, ureberera ako karere muri Guverinoma, yagiranye ibiganiro n’abangavu babyariye iwabo mu rwego rwo gukemura ibibazo byabo.
Umunyamabanga wa Leta Amb. Nyirahabimana Soline yasabye aba bana babyaye kudatakaza indoto, bakirinda kandi bakagira amakenga mbere yo gufata icyemezo. Ati "mwitakaza indoto, imbaraga mwari mufite zigaruke kugira ngo n'ubundi mugere ku byo mwifuzaga kugeraho. Turabasaba kwirinda mukagira amakenga, mbere yo gufata icyemezo mujye mutekereza ubugira kabiri. Mumenye kuvuga "oya" kandi mugire uruhare mu kurwanya iki cyorezo mudahishira ababahohoteye ndetse n'abagerageje kubahohotera n'ubwo baba batarabigezeho."
Yanaganiriye kandi n’ababyeyi b’abana babyaye hagamijwe kubibutsa inshingano zabo zo kurera, kwita ku bana basambanyijwe/batewe inda no gufata ingamba zo gukumira no kurinda barumuna babo.
"Natwe ababyeyi twikebuke turebe uko tubanye mu muryango. Imiryango yacu iragaragara ite? Ibanye ite? Tuganira n'abana bacu? Baratwigiraho izihe ndangagaciro zituma bagendana n'ibyo ababyeyi bababwiye bikabarinda niyo batari kumwe natwe? Reka twere kuva ku nshingano zacu. Abantu ba mbere bahingamo umwana icyo agendana ni ababyeyi. Twegere abana bacu, tubane nabo, nibwo buryo bukomeye bwo gukumira." Amb. Nyirahabimana Soline
Yongeyeho asaba ubufatanye bwa buri wese mu guhashya ihohoterwa rikorerwa abana kuko izindi nzego zibishinzwe zitashobora kujya muri buri rugo ngo zimenye ko hari uwahohotewe. Ati “Nta n’umuntu ukwiye kugira ubwoba bwo gutanga ikirego igihe amenye umwana wahohotewe kuko iyo ubicecetse ubizi uba uhishiriye icyaha.”
Mu rwego rwo kwimakaza ihame ry’uburinganire, Umunyamabanga wa Leta yasuye imiryango yari ifitanye amakimbirane ariko ubu ibanye neza, anafatanya n’ubuyobozi bw’Akarere kuganiriza umuryango uri mu makimbirane bawushishikariza kongera kwiyunga. Yanagiranye ibiganiro n’inshuti z’umuryango mu karere ka Gatsibo, agira umwanya wo gukemura ibibazo by’abaturage aho yitabiriye inteko y’abaturage mu murenge wa Rwimbogo, akarere ka Gatsibo.
Topics
Rwanda is hosting the African Regional Convening on the AU Protocol on Nationality Rights and the Eradication of Statelessness in Africa, bringing…
Rwanda hosted the 15th Annual Conference of the African Society of International Law (AfSIL) on 6–7 November 2026, bringing together legal scholars,…
The Ministry of Justice, in partnership with the National Commission for Human Rights and the Legal Aid Forum (LAF), convened a stakeholder validation…
The UN Human Rights Committee has concluded today its review of Rwanda’s Fifth Periodic Report under the International Covenant on Civil and Political…
The Ministry of Justice, in partnership with the United Nations Development Programme (UNDP), organised a capacity-building training for 36 Justice…
On 25 September 2026, Government legal advisors from central and local government institutions convened at Gasabo District Headquarters to strengthen…
Uyu munsi ku wa 24 Nzeri 2026, abayobozi bashya muri Ministeri y’Ubutabera baherutse gushyirwaho n’Inama y’Abaminisitiri yo ku wa 18 Nzeri 2026…
On 15 September 2026, the Ministry of Justice, in partnership with UNDP, conducted a community awareness caravan in Rubavu District to raise awareness…
A delegation led by H.E. Gilles Cerutti, Ambassador of Switzerland to Rwanda, and the Permanent Secretary/Solicitor General at the Ministry of Justice…