Uri mu byaha by’inzaduka ntazigera arusha ingufu ababirwanya

Kuva tariki ya 18 kugeza ku ku ya 22 Werurwe 2019 cyari icyumweru cyahariwe ubutabera / Justice week ku nsanganyamatsiko “Sobanukirwa kandi ukumire ibyaha by’inzaduka mu muryango.”

Iki cyumweru cyaranzwe n’ibikorwa bitandukanye birimo kumurika ibikorwa cyangwa serivisi zitangwa n’inzego zibumbiye mu “Urwego rw’Ubutabera”, gusura abaturage mu nteko z’Abaturage, gusura abanyeshuri muri za Kaminuza n’abagororwa muri za Gereza; babasobanurira ibijyanye n’ibyaha by’inzaduka, kubakangurira kubyirinda no kubikumira.

Icyumweru cyatangijwe ku rwego rw’igihugu mu karere ka Ngororero na Minisitiri w’Ubutabera akaba n’Intumwa Nkuru ya Leta, Busingye Johnston aho yakanguriye abaturage kuba maso bakamenya ububi bw’ibyaha bitari bisanzwe bimenyerewe mu muryango nyarwanda, birimo ibyaha bikorwa hakoreshejwe ikoranabuhanga, ibyaha byo gucuruza abantu, kunywa ibiyobyabwenge, ruswa, ibyaha byo gusambanya abana n’ihohotera. Yabasabye kugira uruhare rukomeye mu gukumira ibi byaha no kutabihishira igihe babonye bikorwa.

Minisitiri Busingye yabwiye abaturage ko  kuba iki cyumweru baragihariye ubutabera bidashatse kuvuga ko ubusanzwe nta butabera buhari. Yagize ati “Iki cyumweru twagihariye ubutabera. Ntabwo ari ukuvuga ko tutabufite ahubwo twashatse kuza kubasura ngo tubiyereke nk’Urwego rw’Ubutabera, tubereke ko dufatanya kugira ngo buri munyarwanda wese agerweho n’ubutabera.  Inzego z'Ubutabera dushinzwe kubafasha kandi tuzabikomeza kugira ngo umunyarwanda aho ari hose abone ubutabera kandi uburenganzira bwe bwubahirizwe."     

Asubiza ibibazo by’abaturage mu Nteko y’abaturage yateraniye kuri sitade ya Ngororero, Minisitiri yabasabye kujya bubaha ibyemezo by'inkiko. Ati "ibyo amategeko ateganya twese biratureba ku gipimo kimwe kandi tugomba kubyakira. Ntabwo ubutabera bukora kubera ko umuntu afite ibya Mirenge, bukora kuko bugomba gukorwa. Udafite ubushobozi na busa turamutegereza kugeza igihe azabubona akishyura umwenda w'abandi kuko ubwishyu nibwo bushingiye ku butabera.”

Muri Gereza ya Nyarugenge naho Minisitiri w’Ubutabera akaba n’Intumwa Nkuru ya Leta yaganiriye n’imfungwa n’abagororwa abasaba kurangwa n’impinduka nziza bityo bakazaba ingirakamaro mu muryango nyarwanda. Yagize ati "Kuba muri hano ni ukugira ngo hagire igihinduka mu buzima bwanyu, muratera intambwe yo kugororoka kandi tubatezeho impinduka nziza.” Yanababuriye ko uri muri ibi byaha byitwa ko ari inzaduka kubera ko bitari bimenyerewe mu muryango nyarwanda yabivamo inzira zikigendwa kuko atazigera arusha ingufu ababirwanya.

Kimwe na Minisitiri Busingye Johnston, n’abandi bayobozi mu nzego zitandukanye zigize Urwego rw’Ubutabera bagiye hirya no hino mu turere tw’igihugu, muri za Kaminuza no muri za Gereza batanga nabo ubutumwa bugamije gukangurira abantu kwirinda by’umwihariko ibyaha by’inzaduka  n’ibyaha byose muri rusange banabasaba gutanga umusanzu mu kubikumira.

Icyumweru cy’Ubutabera cyashojwe ku wa gatanu tariki ya 22 Werurwe 2019 n’umukino w’Umupira w’amaguru wahuje ikipe y’Urwego rw’Ubutabera (JRLOS) n’ikipe ASV (association des Sportifs Volontaires). Umukino warangiye amakipe yombi anganya 3-3, hiyambazwa penalite ASV itsinze 3 kuri 1 ya JRLOS. ASV iba itwaye igikombecyitiriwe Icyumweru cy’Ubutabera.

Nyuma y’Umukino, Umunyamabanga wa Leta muri Minisiteri y’Ubutabera ushinzwe ibyerekeye Itegeko Nshinga n’andi mategeko, Uwizeyimana Evode wari umushyitsi mukuru, yabwiye abaturage bari bitabiriye umukino ko hari amahitamo abiri: Kureka ibyaha burundu cyangwa gufungwa burundu.

Topics


Rwanda Hosts African Regional Convening on Nationality Rights and Eradication of Statelessness

Rwanda is hosting the African Regional Convening on the AU Protocol on Nationality Rights and the Eradication of Statelessness in Africa, bringing…

Read more →

Rwanda Hosts 15th African Society of International Law Conference on Reparations

Rwanda hosted the 15th Annual Conference of the African Society of International Law (AfSIL) on 6–7 November 2026, bringing together legal scholars,…

Read more →

Rwanda Validates Second National Human Rights Action Plan for 2026/27–2030/31

The Ministry of Justice, in partnership with the National Commission for Human Rights and the Legal Aid Forum (LAF), convened a stakeholder validation…

Read more →

Review of Rwanda’s Fifth Periodic Report under the International Covenant on Civil and Political Rights

The UN Human Rights Committee has concluded today its review of Rwanda’s Fifth Periodic Report under the International Covenant on Civil and Political…

Read more →

36 Justice Sector Professionals Strengthen Skills in Alternative Dispute Resolution

The Ministry of Justice, in partnership with the United Nations Development Programme (UNDP), organised a capacity-building training for 36 Justice…

Read more →

Government Legal Advisors discuss strengthening transparency, accountability and inclusive participation

On 25 September 2026, Government legal advisors from central and local government institutions convened at Gasabo District Headquarters to strengthen…

Read more →

Ihererekanya bubasha hagati y’ abayobozi bashya n’abayobozi bacyuye igihe muri Minisiteri y’Ubutabera

Uyu munsi ku wa 24 Nzeri 2026, abayobozi bashya muri Ministeri y’Ubutabera baherutse gushyirwaho n’Inama y’Abaminisitiri yo ku wa 18 Nzeri 2026…

Read more →

MINIJUST Raises Awareness on Human Trafficking Prevention and on ADR in Rubavu

On 15 September 2026, the Ministry of Justice, in partnership with UNDP, conducted a community awareness caravan in Rubavu District to raise awareness…

Read more →

MINIJUST and Swiss Delegation Visit Karongi District to Review Access to Justice and ADR Initiatives

A delegation led by H.E. Gilles Cerutti, Ambassador of Switzerland to Rwanda, and the Permanent Secretary/Solicitor General at the Ministry of Justice…

Read more →
-->